مدونة الشاعر فـارس محمد عبد العـزيـز

ياريت الكلمة تبكيلكِ

عشان تسمعى بكاها عليكِ

حبيبتى بكتب لكِ وبندهكِ وحدكِ

منايا الراحة بين كفيكِ

سألتكِ عن سبب بعدكِ

جاوبينى . .

وقولى لى تبعدى

جاوبينى . . برضه ح سمعلكِ

ولو تقسى . . ولو تعندى

ماليش فى الدنيا بعدكِ حد

وكل أمالى يوم توعدى

خضوعى مش سبب هين

عشان أشكى حبيب قاسى

وقلبى م الهوان عين

دموعى خط كراسى

يا شموسة الأمل فينكِ

تراب الأرض لو ينطق

ح يتكلم . . وينصفنى

عبير الود . . لو يخطئ

ح يرجع لى . . ما هو منى

سكوتك بس . . لو يسرح

هايندهلى . . ويحضنى

ياريتكِ تفتكرى لو مرة

ميلادكِ أصله من سنى